Pousos da Area ten como principal obxectivo a recompilación, conservación, promoción e difusión do noso folclore, tentando en todo momento ser fieis á realidade das tradicións senlleiras de cada zona, respectando as músicas, os bailes, a vestimenta, a instrumentación e a fala de cada lugar.

Un dos nosos principais obxectivos consiste na creación de proxectos encamiñados á difusión e posta en valor do noso patrimonio inmaterial, tanto en espectáculos coma na rúa. Estes proxectos baséanse en profundas investigacións do folclore galego formadas por recolleitas de campo e documentos históricos depositados en arquivos.